سورج کی شعاعیں قدرت کا انمول تحفہ ہیں جو ہمیں بے شمار فوائد پہنچاتی ہیں، جیسا کہ ماہرین طب بھی صبح کی نرم دھوپ میں وقت گزارنے کی ترغیب دیتے ہیں۔ تاہم، یہ شعاعیں کچھ اوقات میں نقصان بھی دے سکتی ہیں۔ اہم سوال یہ ہے کہ دن کے کون سے حصے میں سورج کی شعاعیں ہمارے لیے فائدہ مند ہیں اور کب وہ ہماری صحت کے لیے خطرناک ثابت ہو سکتی ہیں؟
طبی ماہرین کی معلومات کے مطابق، صبح کے اوائل میں اور شام کو غروب آفتاب سے پہلے کی دھوپ سے جسم کو نمایاں فائدہ حاصل ہوتا ہے۔ اس دوران دھوپ وٹامن ڈی کی فراہمی کا اہم ذریعہ بنتی ہے اور بہت سی صحت کی مشکلات کو دور کرتی ہے۔ برعکس اس کے، دن کے وسطی حصے میں جب دھوپ سب سے تیز ہوتی ہے، یہ جلد کو جھلسا سکتی ہے اور وٹامن ڈی کی مطلوبہ مقدار کے بجائے نقصان پہنچا سکتی ہے۔
لہٰذا، ہمارا مشورہ ہے کہ صحتمند زندگی کے لئے دھوپ کا صحیح انتخاب کریں اور دن کے مناسب اوقات میں دھوپ سے استفادہ کریں تاکہ جسم کو ضروری وٹامن ڈی حاصل ہو سکے اور جلد کی حفاظت بھی ہو سکے۔
صبح کے وقت حاصل کی جانے والی دھوپ کے فوائد جانتے ہیں۔
دھوپ جسم میں وٹامن ڈی کی کمی کو پورا کرے-
طلوع آفتاب کے وقت دھوپ لینے سے آپ کے جسم میں وٹامن ڈی کی کمی پوری ہوتی ہے جس کی وجہ سے ہڈیاں اور جوڑ مضبوط ہوتے ہیں۔
دھوپ ذہنی صحت کو بڑھائے-
صبح کی دھوپ ذہنی صحت کیلئے بھی فائدے مند ہوتی ہے کیونکہ دھوپ ذہنی تناؤ کو دور کرتی ہے۔
اس کے علاوہ دھوپ موڈ کو خوشگوار بھی بناتی ہے جبکہ نیند میں بھی بہتری لاتی ہے۔
دھوپ جسم میں طاقت کو بڑھائے-
صبح کی دھوپ آپ کے جسم کی طاقت کو بھی بڑھاتی ہے جس سے آپ دن بھر متحرک رہتے ہیں اور کمزوری کا احساس ختم کرنے میں بھی صبح سویرے کی دھوپ مددگار ہوتی ہے۔
دھوپ جلد کو صحت مند بنائے-
صبح کی دھوپ جلد پر پڑنے سے وٹامن ڈی تو حاصل ہوتی ہے جس سے جلد کی صحت میں بھی بہتری آتی ہے اور رنگت بھی نکھرتی ہے۔
دھوپ قوت مدافعت کو مضبوط بنائے-
صبح کے وقت دھوپ لینے سے قوت مدافعت بھی مضبوط ہوتی ہے جو آپ کو پھیلنے والے موسمی انفیکشنز اور بیکٹیریا سے بچاتی ہے۔