آنکھ اُس پر جفا سے لڑتی ہے۔

آنکھ اُس پر جفا سے لڑتی ہے

جان کشتی قضا سے لڑتی ہے

شعلہ بھڑکے گا کیا سرِ بزم

شمع تجھ بن ہوا سے لڑتی ہے

صف مژگاں  تری خدا کی پناہ

اک بلا اک بلا سے لڑتی ہے

آج کہتے ہو کیا طبیعت کو

عشق میں ابتدا سے لڑتی ہے

آج دنیا نے صلح کی کس دن

یہ لڑاکا سدا سے لڑتی ہے

دیکھو اس چشمِ مست کی شوخی

جب کسی پارسا سے لڑتی ہے

ذوق دنیا ہے مکر کا میداں

نگہ اس کی دغا سے لڑتی ہے

شاعر: ابراہیم ذوق
 
 ( شعری مجموعہ:دیوانِ ذوق  )

Aankh us par jafa se ladti hai,
Jaan kashti qaza se ladti hai.

Shola bhadkega kya sar-e-bazm,
Shama tujh bin hawa se ladti hai.

Saf-e-mizhgaan teri Khuda ki panaah,
Ek bala ek bala se ladti hai.

Aaj kehte ho kya tabiyat ko,
Ishq mein ibtida se ladti hai.

Aaj duniya ne sulh ki kis din,
Yeh ladaaka sada se ladti hai.

Dekho us chashm-e-mast ki shaukhi,
Jab kisi paarsa se ladti hai.

Zauq duniya hai makr ka maidan,
Nigaah uski dagha se ladti hai.

— Shaair: Ibrahim Zauq (Deewan-e-Zauq)