پاکستان شوبز انڈسٹری کے سینئر اداکار فردوس جمال کسی تعارف کے محتاج نہیں۔ انہوں نے متعدد ڈراموں میں اپنے فن کا لوہا منوایا ہے۔
حالیہ دنوں میں فردوس جمال نے ایک نجی ٹی وی شو میں بطور مہمان شرکت کی، جہاں انہوں نے کینسر جیسی جان لیوا بیماری، اپنے کیریئر، ذاتی زندگی اور دیگر موضوعات پر گفتگو کی۔
شو کے دوران فردوس جمال نے انکشاف کیا کہ انہوں نے پچھلی کئی دہائیوں میں جن اداکاراؤں کے ساتھ کام کیا، ان میں سب سے خوبصورت اداکارہ زیبا اور بہترین اداکارہ شمیم آرا تھیں۔
یاد رہے کہ فردوس جمال کچھ عرصے سے کینسر کے مرض میں مبتلا ہونے کی وجہ سے اسکرین پر نظر نہیں آ رہے تھے۔
