Lilly Rain se miliye, yeh ek virtual travel model hain jo apne takhleeq kar ko ek mah ke doran 20 hazar dollars se zyada kama kar deti hain.
Yeh darasal ek AI (Artificial Intelligence) se takhleeq karda digital model hai jo ke Funway jaise platforms par kaam karti hai aur sirf hairan kar dene wali tasveeron mein zahir hoti hai.
Yeh ab koi secret nahi raha ke AI models aajkal online kaam kar rahi hain. Fitness model Etana Lopez go ke ek haqiqi insaan nahi lekin unke Instagram par teen lakh se zyada followers hain.
Isi tarah ek aur influencer Emily Pellegrini hain jinhen dunya ki haseen aur purkashish model ke tor par perfect girlfriend ka naam diya gaya hai, jabke Lexi Love naam ki model tanhai ke shikar logon se guftagu karke 30 hazar dollars se zyada kamati hain.
Ab Lilly Rain ne bator virtual influencer baraye travel model ke shohrat haasil ki aur khabron ki sheh surkhiyan ban rahi hain.
Subscription ki buniad par social platform Funway par purkashish nojawan khatoon jaisi profile ko dunya ke bhar ke haseen maqamat par dikhaya ja raha hai.
Lekin is haqiqat ke bawajood ke yeh saari tasveerain mukammal tor par Artificial Intelligence ke zariye tayar ki gayi hain, unke parstaron ko is se koi farq nahi par raha aur woh in ki janib mutawajjah ho rahe hain.