صدائے غیب-علا مہ اقبال
Sadaa-E-Gaib By Allama Iqbal

گر چہ  برہم ہے  قیامت سے نظامِ  ہست وبود

ہیں اسی آشوب سے بے پردہ اسرارِ وجود

زلزلے سے کوہ ودر اُڑتے  ہیں مانندِ سحاب

زلزلے سے وادیوں میں تازہ چشموں کی نمود

ہر نئی  تعمیر کو لازم ہے تخریبِ تمام

ہے اسی میں مشکلاتِ زندگانی کی کشود

فرہنگ

برہم	زیر و زبر
آشوب	تباہی
اسرارِوجود	زندگی کے بھید
مانندِ سحاب	بادل کی  طرح
تخریب	تباہی
نظام ہست  وبود	دنیا کا نظام
بے پردہ	ظاہر
زلزلے	بھو نچال
چشموں کی نمود	چشمے پھوٹتے ہیں
کشود	کھل جانا یعنی  حل ہو  جانا